Ushtrime

1. Pse një komunitet ka nevojë për të gjitha llojet e punëve?

2. Pse për ne është e rëndësishme që të kemi informacion të plotë për të gjitha llojet e punëve të një komuniteti?

3. Çfarë është një grupim profesionesh? 

1. Mendoni për një vendim të gabuar që keni marrë në të kaluarën.
− Si e morët atë vendim? 
− A kishit informacion të plotë për çështjen në çastin kur morët atë vendim?
− Cilat kanë qenë pasojat e atij vendimi?
− Ç’do të bënit sot, nëse do të duhet të merrni një vendim të ri për të njëjtën çështje?

2. Çfarë e bën të pëlqyeshëm ose interesant një profesion?

3. Çfarë do të thotë për ju shprehja: “Punët interesante dhe ato që paguhen më shumë, kërkojnë më shumë njohuri dhe aftësi të veçanta”?

1. Zgjidhni një profesion ose punë që ju pëlqen ta bëni në të ardhmen.
− Përcaktoni njohuritë dhe aftësitë që janë të nevojshme për këtë punë.
− Përcaktoni lëndën ose grupin e lëndëve që ofron njohuritë e nevojshme për këtë punë dhe tregoni pse këto lëndë ose grupime lëndësh janë të rëndësishme për punën ose profesionin që zgjodhët. 
Planifikoni hapat që do të ndërmerrni për të realizuar dëshirat dhe interesat tuaj

2. Mendoni një plan të dytë.
− Çfarë mund të ndodhë nëse nuk ju plotësohet dëshira juaj?
− Si do të veproni që plani juaj i dytë të realizohet?
− Do të mendoni për një profesion apo për një grupim tjetër profesioni?
− A do t’i përqendroni forcat tuaja vetëm në një lëndë apo në të gjitha lëndët?
− Në cilin rast mundësitë tuaja do të jenë më të mëdha?