Ushtrime

1. Përkufizoni konceptet e mëposhtme:

1. Aftësi teknike quhen .......................................................................................
2. Aftësi të përgjithshme janë: ............................................................................
3. Aftësitë e përgjithshme kthehen në sjellje të zakonshme përmes...................

1. Dy individë kanë zgjedhur një vend pune, kanë planifikuar karrierat e tyre, kanë kryer trajnimet e nevojshme, kanë bërë reklamë të mirë për veten dhe kanë punuar vazhdimisht për këtë. Ata janë të kualifikuar njësoj për vendin e punës në të cilin janë punësuar. Pas njëfarë kohe në këtë punë, njëri prej tyre ngrihet në detyrë, ndërsa tjetri pushohet nga puna.
a. Çfarë mendoni se ka bërë punonjësi i parë që u ngrit në detyrë? Shkruani disa nga sjelljet e mundshme të tij. 
b. Çfarë mendoni se ka bërë punonjësi i dytë që u pushua nga puna? Shkruani disa nga sjelljet që mendoni se kanë ndikuar në pushimin e tij nga puna. 

Ka individë që mendojnë se nuk është e drejtë që punonjës të aftë nga ana profesionale të pushohen nga puna, për shkak të aftësive të përgjithshme vetjake, për shembull, për mënyrën se si shprehen në vendin e punës. Mbroni me argumente këtë qëndrim.

Individë të tjerë mendojnë se vetëm aftësitë profesionale nuk janë të mjaftueshme për të mbajtur vendin e punës, por duhen edhe aftësitë e përgjithshme. Mbroni me argumente këtë qëndrim.

1. Mendoni për sjelljet tuaja dhe të shokëve tuaj në shkollë. 
a. Shkruani ato që mendoni se vlerësohen pozitivisht nga mësuesit dhe ato që shpeshherë qortohen prej tyre. Me se kanë të bëjnë ato?
b. Shprehni mendimin tuaj për to. A jeni gjithmonë dakord me mënyrën se si mësuesit/et i ndajnë sjelljet në pozitive ose negative? Diskutoni.
c. Bëni një listë me sjelljet e mundshme të punonjësit të ngritur në detyrë dhe sjelljet e mundshme të punonjësit të pushuar nga puna. 
ç. Në listë, shënoni me shenjën √ sjelljet që ju mendoni se i keni pjesë të sjelljeve tuaja të zakonshme dhe rrethoni ato për të cilat mendoni se duhet të ushtroheni më shumë për të mbajtur vendin e punës. 
d. Bëni një listë të sjelljeve, që të gjithë ju si klasë mendoni se duhet t’i mbështesni dhe t’i bëni pjesë të sjelljeve tuaja të përditshme. Afishojeni listën në një vend të dukshëm në klasë